Elementos da valoración
En cada convocatoria deste tipo de complemento debemos distinguir dous tipos de valoración:
• Valoración básica : Componse dos quinquenios e sexenios que poida xustificar o solicitante, e outorgaráselle unha puntuación máxima de 9 tramos/puntos de carácter consolidable .
• Valoración adicional: Componse daqueles méritos que o/a solicitante poida presentar para xustificar a súa traxectoria profesional no ámbito da docencia e da investigación, para o cal poderá achegar para cada un deles un total de 6 méritos. A puntuación máxima que se pode obter nesta valoración é de 2.5 tramos/puntos por cada ámbito.
* Para a valoración dos méritos terase en conta "a súa calidade". En cada convocatoria, estipularase a correspondente relación de méritos e a súa puntuación.
* As persoas solicitantes que non cumpran os requisitos mínimos esixidos (2 quinquenios e 1 sexenio ) estipulados nas bases da convocatoria para a obtención destes complementos non entrarán no proceso valoración. Non obstante, poderán solicitalos novamente na seguinte convocatoria.
|
Valoración adicional |
Ámbito |
Méritos |
|
|
Docencia |
Max. 6 méritos |
||
|
Investigación |
Max. total de 6 méritos |
Investigación: max. 4 méritos Transferencia e divulgación do coñecemento: max. 4 méritos |
|
A puntuación máxima que se poderá obter para estes complementos será o resultado da suma da valoración básica e adicional, é dicir, 14 tramos/puntos.
Período de valoración
- Primeira solicitude
Valoraranse a totalidade dos quinquenios e sexenios que posúa o/a solicitante, así como os méritos adicionais seleccionados por este ou esta, e correspondentes ao período de cinco anos establecido na convocatoria.
- Sucesivas solicitudes
Seguindo a normativa vixente, aos 5 anos de presentar a súa solicitude, o/a solicitante deberá someter a actividade docente e investigadora desenvolvida no devandito período a un novo proceso de avaliación.
Excepcionalmente, poderá ser avaliada transcorridos 3 anos, sempre e cando se obtivesen novos quinquenios e/ou sexenios(puntuación básica). Isto implicará unha nova avaliación da súa traxectoria profesional nos últimos cinco anos (puntuación adicional).
