Avaliación previa á contratación como profesorado contratado doutor e de universidade privada:
Poderán solicitar a emisión da avaliación previa á contratación como profesorado contratado doutor e de universidade privada, aquelas persoas que estean en posesión do título de doutor.
A pertenza ao corpo de catedráticos de universidade e profesores titulares de universidade ou a situación administrativa e académica de atoparse acreditado para estes corpos, implicará a cualificación automática para poder ser contratado polas universidades de Galicia en calquera destas dúas figuras.
A obtención da avaliación positiva da ACSUG para a figura de profesorado contratado doutor implicará a cualificación automática para poder ser contratado polas universidades de Galicia na figura de profesorado de universidade privada.
A avaliación positiva obtida na ANECA implicará a cualificación automática para poder ser contratado polas universidades de Galicia, nas figuras en que se obtivesen a avaliación positiva.
* Pendente da adaptación da regulamentación e desenvolvemento normativo autonómico tras a entrada en vigor da Lei orgánica 2/2023 do 22 de marzo, do Sistema Universitario (LOSU)
