O día 10 de marzo o Director de ACSUG, Eduardo López Pereira, entregou ao Director do Centro de Educación da Universidade Nacional do Iucatán (UADY) a certificación da acreditación dos títulos
O acto tivo lugar no Centro de Educación, cun cheo absoluto do seu salón de actos, contando, alén de todo o equipo de dirección do centro, coa presenza do Sr./Sr. Reitor, Dr. D. Carlos Estrada Pinto, representantes do ámbito político universitario, e numerosos decanos e profesores doutros centros da mesma universidade, alén dos do Centro de Educación, acompañados dun numeroso grupo de estudantes.
Tanto o Director do Centro como o de ACSUG puxeron de relevo o valor engadido a estas titulacións acreditadas de acordo cos criterios europeos pola seguridade que dan da súa calidade, tanto aos propios egresados e aos que queiran iniciar os seus estudos, como á sociedade na que está inmersa esta universidade, así como a apertura de portas para implantar títulos dobres e títulos conxuntos con calquera universidade europea.
