Na sede da ACSUG, convocados pola Secretaría Xeral de Universidades, tivo lugar unha reunión á que asistiron os responsables dos vicerreitorados de profesorado das tres universidades, dous representantes da Consellería da Facenda e Administración Pública, ademais do presidente da CGIACA e o director de ACSUG con un técnico da propia axencia.
O obxecto da reunión foi analizar as necesarias revisións que, por desenvolvemento da LOSU, deberán facer as Comunidades Autónomas e as universidades galegas para axustarse ao novo marco lexislativo.
Dous foron os puntos principalmente analizados. En primeiro lugar, a adecuación das diversas figuras de profesorado universitario ás novas denominacións e criterios xerais regulados pola LOSU, como é o caso de Profesor Permanente Laboral, coa posibilidade de incluír a de Profesor Titular e Catedrático. En segundo lugar, abordouse a necesidade de elaborar un novo decreto que regule as figuras do profesorado universitario que poidan acceder á convocatoria de complementos autonómicos, que substituirá ao actualmente vixente desde 2004.
Tras un largo intercambio de opinións, moi instrutivo e aclaratorio, e de recoller diversas suxestións e propostas, fixouse a necesidade dunha serie de informes necesarios por parte das diversas institucións representadas para continuar á volta das vacacións, no mes de setembro, cunha nova reunión, para seguir avanzando nestes dous procesos: regulación da tipoloxía do profesorado universitario e definición e contido dos complementos autonómicos.
