Hoxe 15 de outubro de 2024, publícase no DOG a Resolución de 7 de outubro de 2024 pola que se aproba a convocatoria ordinaria para solicitar a avaliación previa á asignación das retribucións adicionais relativas ao complemento de recoñecemento á labor docente e labor investigadora, e se abre o prazo de presentación de solicitudes correspondentes á convocatoria de 2024 (código de procedemento administrativo ED701B).
IMPORTANTE!
O complemento de LABOR DOCENTE e LABOR INVESTIGADOR, solicítase unicamente unha vez e queda consolidado unha vez concedido. Este complemento é un complemento DIFERENTE ao complemento de EXCELENCIA CURRICULAR.
O prazo de presentación de solicitudes será desde o día 16 de outubro ata o día 13 de novembro inclusive.
A aplicación para cubrir a solicitude e anexos estará ABERTA desde o 16 de outubro.
ATENCIÓN!
De acordo co establecido na convocatoria, deberá cubrir telematicamente a solicitude (anexo I ) común para ambos complementos e as memorias de autoavaliación (anexo II.A e anexo II.B) nos modelos dispoñibles na aplicación informática do consorcio ACSUG. Conforme ao disposto no artigo 14.2 da Lei 39/2015, de 1 de outubro, do Procedemento Administrativo Común das Administracións Públicas, a presentación das solicitudes (PDF xerado previamente na aplicación da ACSUG) deberá realizarse obrigatoriamente a través da sede electrónica da Xunta de Galicia: https://sede.xunta.gal/portada.
CODIGO DO PROCEDEMENTO: ED701B
En caso de dúbida, dificultades técnicas ou necesidade de máis información durante o proceso de obtención dos formularios na sede electrónica, poderanse dirixir ao teléfono de información 012 ou ao correo electrónico 012@xunta.gal.
